|
| 部電腦壞o左咁耐,終於整好o左啦,用左我$150呀!!!又搬餐勁o既....不過都值得o既,因為無o左電腦o既日子真係好難過,好多o野都要用"佢",最重要係d數,交遲d又係要$,呢個世界乜都講$o家......too bad!!! 呢排返o左幾日part time,又可以搵多d $,好開心,雖然8號風球都要返工,不過都幾好玩呀,最初好驚o家,因為話晒都係我第一次賣衫,而且仲要得自己一個睇舖,唔知自己應唔應付得o黎,好彩都尚算ok,不過就煩d,係咁打電話求救,又要問呢樣又要問果樣....問到連自己都唔好意思......好彩都好成功咁過o左呢一日!安心晒...... | | |
| 最近我個好朋友叫我同佢o地一齊去旅行,今次目的地係"韓國",如果係其他二,三流o既地方,我就唔會想去,不過呢個地方都好吸引呀!不過今時唔同往日,我o地要供樓呀,都係暫時放棄吧......下次再一齊去啦!!但你o地要玩得開心d呀,記得影多d相我睇.........
唔覺唔覺今年o既夏天已到,天氣熱到不得了,水上活動都應該會陸續而o黎,但自己發覺自己一d進步都無,再咁落去自己都過唔到自己果關,so我定左個目標俾自己,要自己一定做到,如果唔係常日眼見人有成果就羨慕,自己又唔嘗試,坐以待斃....咁遲早無得救,so我要加油!!!!我都要得~得~得~
| | |
| 尋日去左"赤柱正灘"玩左一整日,好正呀!一早約左11:00am粉嶺m記等,原本想食早餐,但起身至醒起11:00係o岩o岩cut早餐o既時間呀!too bad...........好趕好趕呀.........好彩最後都買到,仲要係六份都係last....真lucky.......太耐無食好掛住佢o地,好味呀!
今次係第一次同我細佬女朋友一齊去玩,好似好尷尬,無乜幾句,不過可能玩玩下都會熟d卦..........人o地話:一次生兩次熟o麻!!! ^^
食完早餐約埋婷,一行7人一齊搭火車,全程都諗緊搭咩車入去,最終決定係金鐘轉巴士(260)入去,因為要係果到等多個人,搭左20分鐘左右就到啦,好快......一去到,大家o拿o拿聲換泳裝,搽防曬,準備同陽光玩遊戲啦!!!太耐無o黎過沙灘(香港o既沙灘都有2年多),感覺好興奮.....d男仔整好個陣之後,我o地就去左買浮床同水泡............哈哈~~~唔識游水當然就驚死d啦,買定d求生用品,有安全感多d o麻! 
我+婷+比已經等唔切啦,一枝箭咁衝落水,d水涼浸浸,好舒服呀!之後富同雄都開始游啦,而細佬同佢女朋友就去玩水槍,至於pen就驚曬黑,同唔識游水,so變左幫我o地睇o野,其實我都好驚佢會悶o家,不過佢又驚曬,無計啦.......
我同婷游下游下,突然好想出浮台,最初我都好驚,不過俾婷拉左出去,死就死啦,一於玩盡佢,哈哈~~~最終比都追埋o黎,3仔鴨仔就咁就游o左出去,游到一半已經好累,不過心諗可以減肥呀,嘻嘻......我就博命游,但係我o地發覺個浮台識走o既?!唔怪得我o地游得咁辛苦啦........愈來愈近啦,登陸啦!!yeah~~第一次憑自己o既氣力游到呢到,好開心!上到去訓低,果種感覺好正,望住一片藍天白雲,又俾d海風吹住,突然令我想起"布吉"之行!所有o既煩惱好似係呢一刻全部消失晒咁,心情勁靚!!!係浮台休息o左一陣,我o地要返去啦,比突然話玩跳水,但個個都好驚,最後由玩包,剪,揼來決定邊個跳先..............呀!!!死啦,係我呀!!!但我太驚啦,(其實佢o地都好驚)結果3個一齊跳........撲嗵....撲嗵...撲嗵...3個跳晒落水啦,原來好好玩o家..........哈哈.........原本想o黎多次,但見富&雄游緊出o黎,我o地就游返去lu......上o左岸,我,pen,比,富就玩槍戰..........富好慘,係咁俾人追住射,我都唔知幫邊個之際,比就射我啦,咁我就梗係還拖啦........哈哈........射到佢叫救命呀!婷見我o地咁好玩,又加入埋,射射下,好快就無水,結果大家追到落水,一邊入一邊射,婷仲嫌入得慢,索性用手撥水.........結果?!咪又係富中招囉........鬼叫得佢一個男仔咩,女仔梗係幫返女仔o家啦!!!
玩到好累就又上岸影相lu.....影左有d好好笑,因為我o地用左d特別角度影,影完笑爆肚!!!大約5點幾我o地就沖身去市集,行o左一陣就搭車落尖咀(973)....超後悔上左呢架車,我o地足足坐左一粒鐘至到.....早知搭返260啦,唉......訓完又訓都未到...攪到原本我o地唱k之行又無o左....結果食完"雲南米線"就走人.........
玩o左一整日,成個人散晒,返到屋企沖完涼,洗完衫,就頂唔順要訓覺啦!!!今日真係好累,但好耐都未試過玩得咁開心啦!下次要再去過.........
| | |
| 一整晚個心跳得好快,個人一直處於緊張狀態,左轉轉,右轉轉,總是無法入睡.....
由側身到大字,由大字到伏睡.....由90度轉至180度,再由180度轉向360度......
那條攬枕被我左拋右掟.....那些被舖給我卷了數百次.......我不累,它們也該累了吧.......
厠所也去了幾倘,時鐘也不停地轉了幾回......
天也漸漸開始亮起來,我頭腦為何總是那麼的清醒.......
再轉了幾個圈,終於忍不住要起來了,但那時才早上十時多,原來在被窩裡只待了4小時,但呢4小時內我練成了絕世武功,因為看著鏡子的我,真是很像"國寶".....
很像近期上畫的一套動漫 【功夫熊貓】
我只用了4小時就擁有它的威力.......................一個字 ------------------> 《勁》呀!!!!!!!!!!!!!!!!!!
呢小小的4小時,都唔知要用幾多個日子才能救回來!!!!!
為何要『失眠』呢?!
| | |
| 今日我突然之間好想寫xanga,可能一個人瞓唔著無聊無o野做啦,而且o岩o岩又睇完我朋友一個bold有好多感想...... 睇見佢俾感情困擾,真係覺得佢好慘,有時真係好想同佢講,你愛o既果個人,並唔係你想像中咁好,的起心肝忘記佢啦,但自己又唔忍心再係呢個時候同佢講呢返說話,驚佢再受打擊,唉~~有時又好難講o既,就算明知果個人未必係自己心目中的那位理想對象,但都無辦法放棄,為o既可能就係曾經擁有過o既回憶,果份愛就是如此的執著,有時未必話你想放棄就可以放棄得咁容易,可以忘記就忘記得咁瀟灑,因為曾經佢係你心目中都佔有一定的地位,現在o既痛一定係理所當然的,而家沒人可以幫到你,幫到你o既只有自己同時間,你要用時間將佢慢慢沖淡,希望你會過得比他好,不要再傷心了,試想想四川大地震那些同胞吧,佢o地比你慘多幾百倍,佢o地唔單只喪失了摰愛,就連親人也一舜間離他而去,想想那種悲慘,就會覺得你現在已經好幸福了...... 就在2008年5月12日起,全球話題都圍繞著四川大地震,每一個o既新聞報導都講述受難中o既同胞,每一個o既鏡頭都影出壓在瓦礫中的人民,還有那些死屬者的慘哭聲,聽到了,我也忍不住流下淚來,為何天災會如此的恐佈,如此的無情,為何中國今年如此多災多難.........聽到死亡人數一個個地增加,個心真係忐忑不安,去到哪裡都聽到四川的事情,心情真係變得不好受............那些日子該完了吧!給我們心靈上o既創傷也該完了吧...........全國人民請振作!我在此向你們打打氣!!!!加油吧!!! | | |
|
